Жаңалықтар
Басқа бұқаралық ақпарат құралдарында
Загрузка...
Оқи отырыңыз

Денис Тенді өлтірді деген күдікті бұған дейін үш рет істі болған

Күдікті, 1994 жылы Жамбыл облысында туған Нұралы Қиясов өзінің жасаған қылмысын мойындады.

Сурет : azh.kz20 Шілде 2018, 16:12

Қазақстандық белгілі мәнерлеп сырғанаушы Денис Тенді өлтірді деген күдікпен ұсталғандардың біріне қатысты кейбір мәліметтер анықталды, деп хабарлайды ҚазАқпарат тілшісі.

ҚР ІІМ-нің баспасөз қызметі күдіктілердің бірі ұсталып, уақытша ұстау изоляторына қамалғанын мәлім еткен болатын.

Күдікті, 1994 жылы Жамбыл облысында туған Нұралы Қиясов өзінің жасаған қылмысын мойындады. Анықталғандай, Меркі ауылында туған 24 жастағы Нұралы Қиясовты 2017 жылы құқық қорғау органдары үш рет жауапқа тартқан.

Атап айтқанда, өткен жылдың қаңтарында ол мас күйінде автокөлік басқарғаны үшін ұсталып, судья Рахат Разақовтың төрағалығымен Меркі соты оны үш жылға жүргізуші куәлігінен айырған: «Қиясов Нұралы Дәулетбекұлы 2017 жылғы 14 қаңтар күні таңертең сағат 07:38-де Жамбыл облысының Меркі ауылында «Мазда 626» маркалы машинаны мас күйінде жүргізген. 31 қаңтарда Меркі аудандық сотының қаулысымен үш жыл мерзімге жүргізуші құқығынан айырылған», - делінген ҚР Жоғарғы сотының «Сот кабинеті» сайтында. Бұл ретте, оның сот отырысына қатыспағаны және келмеуінің себебін түсіндірмегені атап өтілген.

Наурыз айында Меркі аудандық сотының судьясы Абай Дәуренбековтің төрағалығымен тағы бір сот отырысы өтті. Ұрлыққа қатысты қылмыстық іс бойынша сот талқылаулары бір ай бойы жүрді.

Сотталушыға машина аккумуляторы мен магнитофонын қолды етті деген екі ұрлық дерегі бойынша айып тағылды: «2017 жылғы 17 ақпан күні түнгі сағат 02:30 шамасында Д. Қиясов Меркіде ауылдасы А. Байназаровпен бірге көшеде келе жатқан. «Ауди-80» автомашинасын көріп, ешкім жоқта автомобильдің алдыңғы терезесін сындырып, 14 мың теңге тұратын DVD-плеерді, 2 мың теңге тұратын магнитофонды алған. Содан кейін автомашинаның капотын ашып, 8 мың теңге тұратын аккумуляторын ұрлаған. Жалпы материалдық залал 24 мың теңгені құрады. Бұдан соң ол ауылдасымен бірге оқиға орнынан ізін суытқан», - делінген іс материалдарында.

Бірақ сотта тараптар келтірілген зиянды өтеу туралы келісімге келіп, жәбірленушілер ұрыны кешіргендіктен, сот оны бостандығынан айырмай, әкімшілік жазамен шектелген.

2017 жылы Нұралы Қиясов шағын несие ұйымына қарызы бойынша үшінші рет сот талқылауына тартылған. Қиясов 144 мың теңгеден астам сома берешек болған.

16 қазанда Меркі аудандық сотының судьясы Еркін Кенбаев «KMF (КМФ)» Шағын несие ұйымы» ЖШС-нің Н.Д. Қиясовқа қатысты несиесінің, мемлекеттік баждың, сот шығындарын төлеу туралы талап арызын қарап», «... осы талап арыз бойынша азаматтық іс қозғау туралы» шешім шығарған. Ал 2018 жылдың 8 қаңтарында іс архивке жіберілген.

Еске сала кетейік, мәнерлеп сырғанаушы Денис Тен 19 шілде күні түс кезінде пышақ жарақатымен ауруханаға жеткізілді. Алматы ІІД мәліметінше, белгісіз адамдар спортшының машинасының айнасын ұрламақ болып, санына пышақ сұғып алған.

Зардап шегуші 3 литр қан жоғалтты. Дәрігерлер оның жағдайын өте ауыр деп бағалаған. Артынша, ҚР Денсаулық сақтау министрлігінің баспасөз хатшысы Ернар Әкімқұлов спортшының қайтыс болғанын мәлімдеді.

Денис Тенді өлтірді деген күдікке ілінген екінші адам - 1994 жылы туған Қызылорда облысы, Қармақшы ауданы, Ақай ауылының тумасы Арман Құдайбергеновке іздеу жарияланды.


Telegram арнасындағы маңызды жаңалықтар «zakon.kz». Жазылу!

қате туралы хабарлау
Қате туралы хабарлау
Қате мәтін:
Түсініктеме:
Қазір оқулыда
Басқа жаңалықтар
Қызықты
Жаңалықтар мұрағаты
ДүСейСәрБеЖұСенЖе
Соңғы пікірлер
Соңғы пікірлер