Жаңалықтар
Басқа бұқаралық ақпарат құралдарында
Загрузка...
Оқи отырыңыз

Екібастұз қаласының жаңа әкімі тағайындалды

Жаңа әкімді Павлодар облысының әкімі Болат Бақауов таныстырды.

Сурет : Baq.kz22 Тамыз 2018, 16:42

Павлодар қаласының бұрынғы әкімі Нұржан Әшімбетов Екібастұз шаһарының басшысы болып тағайындалды, деп хабарлайды Baq.kz агенттігінің аймақтағы тілшісі.

Жаңа әкімді Павлодар облысының әкімі Болат Бақауов таныстырды.

«Қайрат Нүкеновтің Түркістан облысы әкімінің бірінші орынбасары лауазымына тағайындалуына байланысты Президент Әкімшілігінің және Екібастұз қалалық мәслихаты депутаттарының келісімімен, менің өкімім бойынша Нұржан Әшімбетов Екібастұз қаласының әкімі болып тағайындалды. Мемлекеттік қызметте 15 жылдық еңбек өтілі бар Нұржан Кемерұлы өзін білікті басшы ретінде көрсете білді. Жаңа лауазымда сізге табыстар тілеймін. Екібастұз инвестициялық орталыққа айналу керек. Бұл өңір көмірдің мекені болғандықтан, барлық жоспарлы жұмыстар тиянақты әрі сапалы жүзеге асу қажет», - деді Болат Бақауов.

Нұржан Кемерұлы артылған сенім үшін алғысын білдіріп, алға қойылған мақсаттарды орындауға тырысатынын айтты.

Нұржан Әшімбетов - Павлодар облысының тумасы. 49 жастағы ол зооинженер мамандығы бойынша Алма-Ата зооветеринарлық институтын, ал бухгалтер-экономист мамандығы бойынша Алматы экономика және статистика институтын тәмамдаған.

2016 жылғы 13 сәуірден бастап Павлодар қаласының әкімі болып қызмет етті.


Telegram арнасындағы маңызды жаңалықтар «zakon.kz». Жазылу!

қате туралы хабарлау
Қате туралы хабарлау
Қате мәтін:
Түсініктеме:
Қазір оқулыда
Басқа жаңалықтар
Қызықты
Жаңалықтар мұрағаты
ДүСейСәрБеЖұСенЖе
Соңғы пікірлер
Соңғы пікірлер