Алматыда мақсатына сай қолданылмаған жер телімдері тәркіленеді

Алматыда мақсатына сай қолданылмаған жер телімдері тәркіленеді. Алматы қаласы жердің пайдаланылуы мен қорғалуын бақылау басқармасының басшысы Ержан Сейтенов 2018 жылдың алғашқы жартысы бойынша қанша жер телімінің тәркіленгенін мәлімдеді, деп хабарлайды Today.kz.

"Жерді тәркілеуге біз 78 өтініш бердік, оның 13-і күшіне енді, қалғаны қарастырылуда. Өткен жылы осындай 130 өтініш берілді, оның 22-сі күшіне енді", – деді ол.

Басқарма алғашқы жартыжылдықта 547 жоспардан тыс тексеріс өткізген. 515 заң бұзушылық анықталған. 2017 жылы 1118 тексеріс болған, ол 763 заң бұзушылықты анықтаған.

Салығы төленбеген екі жер телімі өздігінен мемлекетке қайтарылғаны да айтылды.