2018 жылдың үздік смартфоны анықталды

Business Insider порталының мамандары биыл шыққан смартфондардың ішінен үздіктерді таңдады, деп хабарлайды Алтайньюс тілшісі.

Алғашқы орында қытайдан шығарылған OnePlus 6 маркасы тұр. Мінсіз камерасы, Qualcomm Snapdragon 845 процессоры және 6 гигабайттық жады даусыз мойындалды. Тағы бір атап өтетіні – жылдам қуаталатындығы мен Oxygen OS ерекше андройд версиясы.

Кореялық Galaxy Note 9 – келесі сатыда. Мамандар аталмыш маркада бәрі бар деп отыр. Мінсіз камера, жылдам қуат алу, сезімтал монитор, үлкен OLED–дисплей, қолдың таңбасымен бұғаттан шығару және сымсыз аккумалятор.

Үздіктердің қатарында iPhone X-ке ұқсас LG G7 ThinQ пен Motorola Moto G6 маркасы да бар.