Жаңалықтар тізбегі
0

Теміртаудағы сұмдықтан кейін барлық балабақшаға бейнекамера орнатылмақ

zakon.kz, сурет - Zakon.kz жаңалық 03.09.2018 16:50 Сурет: zakon.kz
Енді ата-аналар балабақшада болып жатқан оқиғаны қашықтықтан бақылай алады.

Білім және ғылым вице-министрі Асхат Аймағамбетов балабақшаларда қауіпсіздік қалай қамтамасыз етіліп жатқанын айтты, деп хабарлайды Sputnik Қазақстан.

"Шынымен де проблема бар. Біз балалардың қауіпсіздігіне әсер ететін шараларды ұсынып отырмыз. Білім беру ұйымдарын құрал-жабдықтармен қамтамасыз ету нормативтеріне қатысты бұйрыққа өзгерістер енгізу мәселесін көтердік. Барлық балабақшаны, соның ішінде оқу бағдарламасы өтетін бөлмелерді міндетті түрде бейнебақылаумен қамтамасыз етуді көздеп отырмыз", — деді А.Аймағамбетов.

Оның айтуынша, кейбір балабақшаларда бұл жүйе бұрыннан бар, мұндай мекемелерде ата-аналар аудиторияда болып жатқан оқиғаны қашықтан бақылай алады.

Естеріңізге сала кетейік, таяуда балабақша тәрбиешісі жылаған баланы көрпемен тұншықтырып жатқаны түсірілген видео жарияланып, әлеуметтік желіні дүрліктірген болатын. Оқиға Қарағанды облысының Теміртау қаласында болған.

Облыстық ішкі істер департаменті хабарлағандай, видеоны екінші тәрбиеші биыл мамыр айында түсірген, алайда тек таяуда ғана жария болған. 50 жастағы тәрбиеші баланың тіл алмай қойып, төсекте секіргенін айтып ақталды.

zkadm
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: