Талдықорғанның кадеттері жол полициясының жұмысына қолдау көрсете бастады

Талдықорған қаласының кадет сыныптарында білім алушылар балалардың жол-көлік жарақатының алдын алу бойынша жол сақшыларының жұмысына өз үлестерін қосуда. Бұл туралы zakon.kz Алматы облысы ІІД Баспасөз қызметі берген ақпаратқа сілтеме жасап хабарлайды.

Олардың бұл істері елімізде оқу жылының басынан бері өткізіліп жатқан «Абайлаңыз, балалар!» атты онкүндік шеңберінде ұйымдастырылуда.

«Биыл облыс орталығының екі білім ошағында жаңадан ашылған екі кадет сыныбы өз жұмысын бастады. Кадеттер, яғни, 5 сынып оқушылары, өз қатарластары арасындағы жол-көлік жарақатының алдын алуды ұйымдастыруда өздерінің үлестерін қосуда. Көлік жүргізушілерінің назарын аудару үшін ұйымдастырылған «Айқын бол!» акциясына белсене қатысқан кадеттер мектеп оқушыларына жарық шағылыстыратын белгілер мен смайлдар жапсырды. Ең алдымен, екінші ауысымда оқитын және үйіне кешірек қайтатын оқушыларды қамтуға тырыстық»,- деді өз сөзінде ІІД Жергілікті полиция қызметінің аға инспекторы полиция майоры Айжан Әлібайқызы.

Елімізде жол-көлік жарақатын өте өзекті мәселенің бірі деп санайды тәртіп сақшылары. Олардың талдауына сәйкес өңірде жыл басынан бері кәмілеттік жасқа толмаған 100 астам бала зардап шегіп, оның он екісі мерт болған. Өз кезегінде, полиция азаматтарды жолда мұқият болуға, балалардың жарақаты мәселесіне бейжай қарамауға шақырады.

Оқи отырыңыз

Доллар өсіп, теңге неге әлсіреді? ҰБ жауабы

13:00, 03 желтоқсан 2021

Қаш! Айсұлтан Сейітов алғашқы фильмінің шет жағасын көрсетті

11:30, 02 желтоқсан 2021

Аралдағы мемлекет климатқа байланысты көшуге дайындала бастады

09:48, 02 желтоқсан 2021