Елімізде ақылы автожолдар көбейеді

2020 жылы Ресей-Ақтөбе-Қызылорда, Тараз-Қайнар, Қызылорда-Шымкент-Тараз, Шымкент-Өзбекстан шекарасы аумақтарындағы автожол ақылы болады, деп хабарлайды Хабар 24.

Бүгінде 300 шақырым аумақты қамтыған Алматы-Қорғас жолында да ақы алу жүйесі монтаждалуда. Қыркүйек айында бұл жұмыстарды толығымен аяқтап, қажетті жабдықтарды орнату және сынақ түріндегі ақы алу жүйесін іске қосу жоспарланған. Сондай-ақ биыл инвестиция және даму министрлігі «Батыс Еуропа-Батыс Қытай» халықаралық дәлізі сынды 13 аумақтағы автожолды ақылы ету жұмыстарын жүргізіп жатыр. Ол 5000 шақырымға созылған. Ал жол құны Астана-Щучинск автобанына сәйкес бекітіледі. Яғни жеңіл көлік иелері 1 шақырым үшін – 1 теңге, жүк көлігіне 15 теңге төленуі тиіс.