Ломбард тонаған күдікті ұсталды

Шымкентте халықаралық іздеуде болған күдікті ұсталды. Бұл туралы бүгін брифинг барысында ҚР ІІМ ресми өкілі Алмас Садубаев хабарлады деп жазады отырар.кз.

«Түркістан облыстық ІІД жедел уәкілдері Шымкентте ломбардқа қарақшылық шабуыл жасап, 1 миллион теңгеден астам ақша мен алтын бұйымдарды тонау қылмысына қатысы бар деген күдікпен халықаралық іздеу жарияланған аталған қала тұрғынын ұстады. Сотқа дейінгі тергеу амалдары жүргізіліп жатыр», — деді ол.

Сонымен қатар, ресми өкіл Қарағанды облыстық ІІД криминалдық полициясының қызметкерлері қала тұрғындарының біріне қарақшылық шабуыл жасап, оның 200 мың теңгеден астам ақшасын тартып алған күдіктілердің бірінің ұсталғанын айтты.

«Қылмысқа қатысы бар тағы бір күдіктіні қолға түсіру шаралары қабылданып жатыр», — деді Алмас Садубаев.

Оқи отырыңыз

Доллар өсіп, теңге неге әлсіреді? ҰБ жауабы

13:00, 03 желтоқсан 2021

Қаш! Айсұлтан Сейітов алғашқы фильмінің шет жағасын көрсетті

11:30, 02 желтоқсан 2021

Аралдағы мемлекет климатқа байланысты көшуге дайындала бастады

09:48, 02 желтоқсан 2021