Жаңалықтар тізбегі
0

Келінді кран арқылы көтеріп, терезеден кіргізген қазақстандықтар желіде талқыға түсті

stan.kz, сурет - Zakon.kz жаңалық 10.10.2018 16:03 stan.kz
Журналист Амангелді Батырбеков мұндай салтты қандай кезде қолданатынын түсіндірді.

Ежелгі салт-дәстүрлерді ұстанатын өңірлер елімізде әлі де баршылық. Оған желіде пайда болған видео себеп бола алады. Келін түсірген шаңырақ өзгенің босағасын аттауға келген қызды есіктен емес, терезеден кіргізген, деп жазады Stan.kz.

Көпқабатты тұрғын үйдің алдына жиналған көпшілік тойдың басталар уақытын күтті. Ұзатылып келген қыздың басына орамал жабылған, ақ босаға аттауға дайын-ақ тұр. Бір кезде қалыңдың өзін қолтықтаған жеңгесімен бірге кранға мініп, жоғары қабатқа қарай көтеріледі. Терезе арқылы үйге кіріп, келін күтіп отырған жамағатты қуантады. Той жасаған өңір үшін бұл қалыпты жағдай секілді, алайда желі қолданышулары мұның қайдан келген салт екенін анықтай алмай, қызу талқыға салуда.

Ал журналист Амангелді Батырбеков мұндай салтты қандай кезде қолданатынын түсіндірді.

“Бір үйде екі адам қайтыс болса, біріншісін есіктен, екіншісін терезеден шығарады. Мұндай салт әлемнің көптеген елдерінде бар”, – дейді журналист.

Батырбековтің айтуына қарағанда, дәл осы жағдай үйлену тойына да қатысты.

“Бір үйде екі келін болған кезде, әдетте олар бір-бірімен ұрысады. Себебі жас келіншектер бір-бірімен еріксіз жарысқа түседі. Олардың бірі міндетті түрде тамақты жақсы дайындаса, екіншісі жылда бала туады.
Әдетте тете өскен балалар немесе егіздер үйленген кезде осы салтты қолданады. Ағайындылар бір күні үйленсе, келіндердің бірі үйге терезе арқылы кіруі тиіс. Бұл салт ата-бабаларымыз киіз үйде тұрған кезде де сақталған. Бұл – шаңырақтағы келіндер тату-тәтті өмір сүрсін деген ниетпен жасалады”, – дейді журналист.

zkadm
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: