Жедел жәрдем жүргізушісін соққыға жыққан Түркия азаматы жазадан құтылды

Алматыда сот жедел жәрдем жүргізушісін ұрған Түркия азаматына қатысты шешім шығарды, деп хабарлайды Zakon.kz.

Алмалы аудандық сотында Түркия азаматы Әли Демирге қатысты сот процесі болды. Жедел жәрдем жүргізушісі Николай Кучманы соққыға жыққан Түркия азаматы жазадан құтылды.

«Сот ҚР ҚК 293-бабы бойынша жауапқа тартылған Әли Демирді ҚР ҚК 68-бабының 1-бөлімімен жәбірленушімен татуласуына байланысты жауапкершіліктен босату туралы шешім қабылданды. Тәртіп бұзу бойынша қозғалған өндірістік іс тоқтатылсын», - деді судья Қайрат Иманқұлов.

Еске салайық, Алматыда жолды бөлісе алмаған Түркия азаматы жедел жәрдем жүргізушісі Николай Кучманы соққыға жыққан болатын. Көп ұзамай полицейлер 1990 жылы туған түркиялық азаматты анықтап, уақытша ұстау оқшаулағышына жеткізді. Кейін Әли Демир кепілмен босатылды. Сондай-ақ, жедел жәрдем жүргізушісі Түркия азаматын кешірді.

Оқи отырыңыз

Қызылорда облысында жол апатынан мыжылған көлік ішінде қалып кеткен қос әйел құтқарылды

17:35, 27 сәуір 2024

Иреклі су қоймасынан жіберілген тасқын суы еліміздің аумағы арқылы гүрілдеп өтіп жатыр

17:23, 27 сәуір 2024

Алматыдан солтүстік-шығысқа қарай 915 шақырымда жер сілкінісі тіркелді

12:43, 27 сәуір 2024