Жаңалықтар тізбегі
0

Ділнәз Ахмадиева ма әлде Нағима Есқалиева ма: 7 млн теңге кімнің шәкіртіне бұйырады?

---, сурет - Zakon.kz жаңалық 29.12.2018 00:14 ---
"Х-фактор" жобасының 2 финалисті бас жүлде үшін күреске дайын.

Небәрі бір күннен кейін бүкіл ел Қазақстандағы X Factor шоуының жетінші маусымында кімнің жеңіске жетіп, 7 миллион теңгенің кімге бұйыратынын білетін болады. Осыған дейін Қазақстанда алты маусымы дүркіреп өткен телевизиялық жоба өз көрермендерін тауып үлгерді. Жүзден жүйрік, мыңнан тұлпар атанған өнерлі жастар бірнеше кезеңнен өтіп, ең үздік деп танылған екі қатысушы – Ділнәз Ахмадиева тәлімгерлік ететін Дильнура Біржанова мен Нағима Есқалиева жетекшілік етіп жүрген "IN CORO" квартеті күні ертең жобаның шарықтау шегі – гранд-финалда сайысқа түседі. Оларға бірнеше апта бойы тікелей эфирде өткен концерттерде өз дауысын беріп, финалға көрерменнің өзі жолдама берді.

“Менің тобымда жас қатысушылар. Жастар – біздің болашағымыз. Олар ерекше, олар басқа. Тек жастар ғана елімізді халықаралық деңгейде көрсете алады. Нағима Есқалиеваның да тобында жас жігіттер, алайда Қазақстандық шоу-бизнестің іздегені топ деп ойламаймын", - дейді Ділнәз Ахмадиева.

Әнші әрі тәлімгер InCoro-ны академиялық әртістер, сол себепті барлық жанрда өнер көрсете алмайды деп санайды. Ал солист Біржанова керісінше, Ділнәздің пікірінше – дайын әртіс. Еңбекқор, өте дарынды. Алайда Нағима Есқалиеваның ойы басқаша:

"InCoro тобының жігіттері өз істерінің мамандары.Төртеуінің де музыкалық білімі бар, дауыстары тамаша, түр-сымбаттары келіскен. Жігіттердің жасы 17 мен 20 арасында. Олар жас, күш-қуаттары тасыған, қазақстандық сахнаға дәл осындай білімді жастар қажет. Гранд-финалда қазақстандықтарды менің шәкірретіме дауыс беруге шақырамын!".

"Х-фактор" жобасының 2 финалисті бас жүлде үшін күреске дайын. Олардың әрбірі бала кезінен киелі сахнаға шығып, адамдардың жүрегіне жылу сыйлайтын әнді шырқауды армандады! Олардың жоба аясындағы тағдыры халықтың, қалың көрерменнің қолында. Ендеше, тікелей эфирде елдің алдына үмітін үкілеп шыққалы отырған өнерлі жастарға қолдау білдіріп, белсенді түрде дауыс берейік! "Х фактор" жобасының гранд-финалы Еуразия бірінші арнасының эфирінде 29 желтоқсан, сенбі күні сағат 19:15-те өтіп, дауыс беру нәтижесі 23:30-да белгілі болады!

zkadm
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: