Жаңалықтар
Басқа бұқаралық ақпарат құралдарында
Загрузка...
Читайте также

Құрбан айт: Нұр-Сұлтанда қасапшыларға арналған тренинг өтті

Биылғы Құрбан айт мерекесінде Нұр-Сұлтан қаласы бойынша құрбан шалатын 7 орын бекітіліп отыр.

Сурет : ҚМДБ7 Тамыз 2019, 09:57

Қасиетті Құрбан айт мерекесі қарсаңында Нұр-Сұлтан қаласындағы республикалық "Әзірет Сұлтан" мешітінде "Қасапшылық – сауапты һәм жауапты іс" атты семинар-тренинг болып өтті, деп хабарлайды Zakon.kz ҚМДБ баспасөз қызметіне сілтеме жасап.

Нұр-Сұлтан өкілдігінің ұйымдастыруымен өткен семинар барысында Бас шаһардағы құрбан шалатын орындарда қызмет атқаруға тиісті азаматтар қатысып, тәжірибе жинақтады.

Алқалы жиынға ҚМДБ-ға қарасты "Халал Даму" ЖШС директоры Әнуар Ізімбайұлы, Нұр-Сұлтан әкімдігі Қоғамдық даму басқармасының бас маманы Әділет Төлеутайұлы, Қалалық орта сапасы және бақылау басқармасының Ветеринария және өсімдіктерді қорғау бөлімінің басшысы Әшім Әбілқадырұлы сынды жауапты мамандар шақырылып, семинарға қатысушы 30-дан астам қасапшы азаматтарға шариғат талаптарына сәйкес мал союдың жөн-жосығы түсіндірілді. Семинар соңында барлық қатысушыларға арнайы сертификат табысталды.

Айта кетейік, биылғы Құрбан айт мерекесінде Нұр-Сұлтан қаласы бойынша құрбан шалатын 7 орын бекітіліп отыр. Аталмыш орындар арнайы санитарлық тексеруден өткізіліп, айтулы мерекеге сақадай-сай әзірленген.

Бұған қоса, бұл жерлерде діни рәсімдер атқаруға Елордамыздағы 30-дан астам діни қызметкер бекітілген.


Telegram арнасындағы маңызды жаңалықтар «zakon.kz». Жазылу!

қате туралы хабарлау
Қате туралы хабарлау
Қате мәтін:
Түсініктеме:
Қазір оқулыда
Басқа жаңалықтар
Загрузка...
Жаңалықтар мұрағаты
ДүСейСәрБеЖұСенЖе
Соңғы пікірлер
Соңғы пікірлер