Мұғалімдердің бес күндік жұмысқа көшуіне кедергі жоқ – Аймағамбетов

акценты-газета.рф

Мұғалімдерге сенбі күнін өз үйінде, өз балаларының қасында өткізуіне болады – министр.

Тамыз конференциясында білім және ғылым министрі Асхат Аймағамбетов мұғалімдердің сенбі күні демалуына заң бойынша шектеу жоқ екенін айтты, деп хабарлайды Zakon.kz тілшісі.

- Бес күндік жұмыс аптасына қатысты сұрақтар көптеп қойылуда. Біздің мектептеріміздің белгілі бір бөлігі бес күндік жұмыс аптасына ауысты. Бірақ ол жерде де мәселе бар – балалар бес күн оқыса да, мұғалімдер сенбі күні жұмысқа келуі керек, - деді Аймағамбетов.

Оның сөзінше, кей өңірлерде мұндай тәжірибе жоқ, алайда бұл мәселеде бірыңғай тәртіп керек.

- Заңды қарадық, педагогтер бес күн жұмыс істеуі керек. Алтыншы күнді өз еркімен пайдалана алады. Егер мектеп бес күндік тәртіпке ауысса, сосын мұғалімнің өзі сенбі күні шынымен де мектепке бармай-ақ қояйын деп шешсе – сенбі күнін мектептен тыс шаруаларына арнауына құқылы. Мұғалімдерге сенбі күнін өз үйінде, өз балаларының жанында өткізуіне болады, - деді министр.

Оқи отырыңыз