Білім министрі Аймағамбетов "Әліппенің" былығын айтты

ҚР Білім және ғылым министрі Асхат Аймағамбетов 2021 жылы "Әліппе" Ахмет Байтұрсыновтың әдістемесі негізінде қайта енгізілетінін мәлім етті, деп хабарлайды ҚазАқпарат.

"Әліппе мәселесін көптен бері ұстаздар болсын, ата-аналар болсын көтеріп жүр. Бұл – өте маңызды. Біз әліппені қайтару керек деп есептейміз. Ол 2021 жылы өздеріңізге жақсы таныс қазақ тіліне бейімделген Ахмет Байтұрсыновтың әдістемесі негізінде енгізілетін болады. Біз қазіргі уақытта осы жұмысты жүргізіп жатырмыз", - деді ол Тамыз конференциясында.

Министр өз сөзінде "Әліппенің" бірнеше нұсқасын қарастырылғанын тілге тиек етті.

"Оларда ешқандай логика жоқ. Баспалардың бірі 11 дауыссыз, 11 дауысты әрпі бар нұсқасын алып келіпті. Неліктен, мүмкін басқаша бір әдістеме бар шығар деп сұрай бастасаң – ешкім де түсінікті түрде жауап бере алмайды. Әліппе – тәжірибе жасайтын алаң емес. Бізде баяғыдан – нақты қазақ тіліне бейімделген әдістеме бар. Ол - Ахмет Байтұрсыновтың әдістемесі. Сондықтан, ештеңені ойдан шығармай, осы әдістеменің негізінде жұмыс жүргізетін боламыз", - деді Асхат Аймағамбетов.

Оқи отырыңыз

Доллар өсіп, теңге неге әлсіреді? ҰБ жауабы

13:00, 03 желтоқсан 2021

Қаш! Айсұлтан Сейітов алғашқы фильмінің шет жағасын көрсетті

11:30, 02 желтоқсан 2021

Аралдағы мемлекет климатқа байланысты көшуге дайындала бастады

09:48, 02 желтоқсан 2021