Жаңалықтар
Басқа бұқаралық ақпарат құралдарында
Загрузка...
Оқи отырыңыз

Жамбыл облысында 1 отбасы түрлі ұлттың 9 баласын асырап алды

Алтын жүректі ана өзінің 4 баласынан бөлек ата-анасының қамқорлығынсыз қалған балаларды қанатының астына алды. Екінің бірі бара қоймайтын бұл қадамын ол ерлік деп бағаламайды.

Сурет : пресс-служба10 Қыркүйек 2019, 11:56

Жамбыл облысындағы алтын жүректі ана өзінің 4 баласынан бөлек ата-анасының қамқорлығынсыз қалған балаларды қанатының астына алды. Екінің бірі бара қоймайтын бұл қадамын ол ерлік деп бағаламайды.

Алтын жүректі ана өзінің 4 баласынан бөлек ата-анасының қамқорлығынсыз қалған балаларды қанатының астына алды. Жамбыл облысы Тұрар Рысқұлов ауданындағы Исаевтар отбасы 9 баланы патронаттық тәрбиеге алды.

Ботагөз Бакеева өмірлік қиын жағдайдағы балаларды қолдау орталығының 9 тәрбиеленушісінің көңіліне қуаныш сыйлап, бауырына басты. Алтын жүректі ана өзінің 4 баласынан бөлек ата-анасының қамқорлығынсыз қалған балаларды қанатының астына алды. Екінің бірі бара қоймайтын бұл қадамын ол ерлік деп бағаламайды. Жай ғана адамдық парыз, мейірім деп біледі.

- Әр бала отбасында тәрбиелену керек қой. Ол отбасының жылуын көреді. Ата-ананың, апа мен атаның қарым-қатынасы арқылы мейірімге бөленеді. Отбасында балалар үйінде берілмейтін құндылықтар бар. Мысалы, кез келген жағдайда үйге көмектесу, бір-бірімен дұрыс қарым-қатынаста болу, көмек беру, бауырмал болу деген сияқты. Көп құндылықтарды отбасында үйренеді деп ойлаймын. Мейірімге қанып өскен бала болашақта жақсы адам болып бой түзейді, - дейді Ботагөз Бакеева.

Исаевтар отбасы қамқорлығына алған балалар әке мейірімі мен ананың ыстық алақанына зәру екендігі анық. Өмірдің қиындықтарын көрсетпей өсіруге ниетті болып, құшағына алған «ата-аналарына» қазірдің өзінде бауыр басқан. Ағалы-інілі, әпкелі-қарындас болып бір-біріне демеу болуды Исаевтар отбасы балаларға үйретуде. Олар басқа ұлт өкілдері болса да өздеріне қолдау көрсетіп, қамқорлығына алған жандарға алғыстары шексіз. Тағдыр тауқыметін жастайынан тартқан балалардың болашағы жарқын болуын тіледік.

Айта кетейік, қазіргі таңда Жамбыл облысында бір ғана өмірлік қиын жағдайдағы балаларды қолдау орталығы бар. Орталықта 68 бала тәрбиеленуде. Оның ішінде 50 балдырған ата-ана қамқорлығынсыз қалған.
Өткен жылдан бері 34 бала патронаттық тәрбиеге алынса, 1 бүлдіршінді асырап алынған. Ал 13 бала өз отбасыларына қайтарылыпты.


Telegram арнасындағы маңызды жаңалықтар «zakon.kz». Жазылу!

қате туралы хабарлау
Қате туралы хабарлау
Қате мәтін:
Түсініктеме:
Қазір оқулыда
Басқа жаңалықтар
Қызықты
Жаңалықтар мұрағаты
ДүСейСәрБеЖұСенЖе
Соңғы пікірлер
Соңғы пікірлер