Шумахер есін жиды
imago spoerfotodentist, globallookpress
"Формула-1" жарысының әйгілі шабандозы, әлемнің жеті дүркін чемпионы Михаэль Шумахер есін жиып, Париждегі Жордж Помпиду атындағы клиникада емделуде.
Аурухана қабырғаларын журналистер аңдумен жүр, бірақ дәрігерлер Шумахердің денсаулығы және оны емдеу жоспарлары туралы ешқандай мәлімет бермей отыр. Белгілісі, чемпионның денсаулығымен жасуша терапиясының пионері атанған профессор Филипп Менаше айналысады, деп хабарлайды LeParisien басылымы.
Неміс шабандозы Михаэль Шумахер 2013 жылдың 29 желтоқсанынан бастап төсекте жатыр. Ол Австрияның Альпі тауында шаңғы тебу кезінде жарақат алып, артынан комаға түскен болатын. Оқиға Мерибель тау курортында болды, онда спортшы ұлы мен достарымен бірге демалысқа барған.
Ауруханада жатқан жылдары оның денсаулығы ара-тұра жақсарып келген. Шабандоздың жанкүйерлері дәрігерлердің бақылауымен оның толық сауығып кететініне үміттенеді.
