Сириядағы соғыс аяқталды, ел бейбіт өмірге көшіп жатыр - Лавров

13 Қыркүйек 2019, 10:04
Сурет: liga.net

Ресей сыртқы істер министрі Сергей Лавров Сириядағы соғыстың аяқталғанын жариялады, деп хабарлайды Zakon.kz Lenta.ruға сілтеме жасап.

- Сириядағы соғыс шынымен де аяқталды. Ел біртіндеп қалыпты, бейбіт өмірге оралып жатыр, - деді Лавров.

Ол үкіметтің бақылауына жатпайтын жекелеген белгілі бір шиеленіс ошақтары барын айтты. Атап айтқанда, бұл - Идлиб және Евфрат өзенінің шығыс жағалауы.

Министр Ресей Сирия территориясының бүтіндігін қалпына келтіруді қолдайтынын атап өтті.

- Бұл соғыстың тоқтауы және оның салдарын жою бүтін Таяу Шығыстағы қауіпсіздік пен тұрақтылықты қамтамасыз етеді, - деді ол.

Сәуір айында Ресей Қарулы Күштерінің Бас штабы Сириядағы қақтығыстың әскери кезеңі аяқталғанын және елде бұдан былай ауқымды операциялар жүргізілмейтінін мәлімдеген еді. Одан кейін Сирияның Ресейдегі елшісі Рияд Хаддад Сирия аймағында содырларға қарсы күрес аяқталуға жақын екенін айтты.


zakon.kz жаңалықтарын оқыңыз
Жазбаларды көрсету

Көп оқылғандар

барлық жаңалықтар

ЖАҢАЛЫҚТАР

қате туралы хабарлау
Қате туралы хабарлау
Қате мәтін:
Түсініктеме:

Маңызды жаңалықтарды білгіңіз келе ме?