Бүгін Серік Ахметов те өзін түрмеден босатуды сұрады
ztb.kz
23 қазанда сыбайлас жемқорлық қылмысын жасағаны үшін сотталған бұрынғы премьер-министр Серік Ахметов шартты түрде мерзімінен бұрын босатуды сұрап, сотқа жүгінді, деп хабарлайды Zakon.kz Патриот Караганды парақшасына сілтеме жасап.
Бүгін сот отырысы тағайындалды, бірақ Қарағанды қаласы Қазыбек би аудандық сотының судьясы Манат Жұмақаев сот процесін 25 қазанға ауыстырды. Ахметов өз өтінішінде жазасын өтеу кезінде ешқандай бұзушылық жасамағанын жеткізді. Сол уақыт аралығында ол қылмыстық және әкімшілік жауапкершілікке тартылған жоқ. Ал қылмыс нәтижесінде келтірілген залал мемлекетке толық көлемде өтелді.
Еске сала кетсек, Қарағанды облысының қылмыстық істер жөніндегі мамандандырылған ауданаралық соты Серік Ахметовті сыбайлас жемқорлық қылмысы үшін кінәлі деп танып, 10 жылға бас бостандығынан айырған болатын.
