Тараз қаласының әкімі жұмысынан босатылды

- -
Тараз қаласы әкімінің міндетін уақытша атқару Тараз қаласы әкімінің орынбасары Бейсенбек Керімбекұлы Жанбосыновқа жүктелді.

Қазақстан Республикасының Президенті Қасым-Жомарт Тоқаевтың тапсырмасына сәйкес Тараз қаласындағы мектепте орын алған оқыс оқиғаға байланысты және өзіне жүктелген міндеттерді тиісінше орындамағаны үшін Тараз қаласының әкімі Қайрат Әскербекұлы Досаев 2019 жылғы 21 қарашадан атқарып отырған лауазымынан босатылды, деп хабарлайды Zakon.kz.

Тараз қаласы әкімінің міндетін уақытша атқару Тараз қаласы әкімінің орынбасары Бейсенбек Керімбекұлы Жанбосыновқа жүктелді.

Осыған дейін ҚР Президенті Қасым-Жомарт Тоқаев 12 жастағы мектеп оқушысы зардап шеккен оқыс оқиғадан кейін Тараз әкімі Қайрат Досаевты қызметінен босатуды тапсырған.

"Жамбыл облысының әкіміне Тараздағы 12 жастағы мектеп оқушысы зардап шеккен оқыс оқиғаға байланысты және жұмысында жүйелі кемшіліктер жібергені үшін Тараз қаласының әкімін қызметінен босатуды тапсырдым. Облыс әкіміне ескерту жасадым", – деп жазды Мемлекет басшысы Twitter желісіндегі парақшасында.

Еске сала кетсек, осыған дейін 12 жастағы қызды Тараз қаласындағы мектептердің бірінде зорлағаны туралы хабарланған. Қайғылы оқиға мектептегі дәретханада орын алған. Күдіктіні бейнебақылау камералары арқылы анықтады. Оны полиция ұстады. Бұл бұрын ұрлық үшін сотталған 38 жастағы облыс орталығының тұрғыны болып шықты. Үйленбеген. Күдікті Тараз қалалық уақытша ұстау оқшаулағышына қамалды.

Кейін Мәжіліс депутаты Ирина Унжакова барлық қазақстандық мектептерді іштегі дәретханамен қамтамасыз етуді талап етті. ҚР Білім және ғылым министрлігі елдің барлық мектептерінде қауіпсіздікті қамтамасыз етуді тапсырды.

Қайрат Досаев Тараз қаласы әкімі болып 2019 жылдың 24 сәуірінде тағайындалған. 1965 жылы дүниеге келген. Жоғары білімі бар.

1987 жылы Қазақ ауыл шаруашылығы институтын инженер-механик, 2007 жылы Абай атындағы Қазақ ұлттық педагогикалық университетін экономист мамандықтары бойынша тәмамдаған.

Еңбек жолын 1987 жылы "Казсельхозмеханизация" ғылыми-өндірістік бірлестігінің инженері қызметінен бастаған.

1994-1996 жылдары "Алтын диірмен" АҚ инженері, "Дешт" ЖШС директоры болып жұмыс істеген.

1998-2001 жылдары Қазақстанның төтенше жағдайлар агенттігі төрағасының көмекшісі, 2001-2007 жылдары Алматы облысы әкімінің көмекшісі, Талдықорған қаласы әкімінің орынбасары, Қаратал ауданының әкімі, Алматы облысының табиғи монополияларды реттеу және бәсекелестікті қорғау басқармасының басшысы, тарифтер жөніндегі басқарма басшысы, Қазақстан Төтенше жағдайлар министрінің кеңесшісі қызметтерін атқарған.

2007-2011 жылдары коммерциялық ұйымдарда еңбек етті.

2011-2014 жылдары "Қазспортинвест" АҚ вице-президенті қызметін атқарған.

2014-2017 жылдар аралығында Қордай ауданы әкімі қызметінде болды.

2017 жылдың наурызынан бастап, Шу ауданы әкімі болған.

zkadm
Бөлісу
0
Толық оқу
Басты Топ LIVE Бәрі
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз