Маңғыстау облыстық Денсаулық сақтау басқармасының басшысы қызметінен кетті

Босаған басшы міндетін уақытша атқару оның орынбасары Ләззат Есенғалиеваға жүктелді.

Әнуар Сағымбаев Маңғыстау облысы денсаулық сақтау басқармасының бастығы қызметінен кетті, деп хабарлайды zakon.kz.

Бүгіннен бастап Маңғыстау облысы денсаулық сақтау департаментінің бастығы Сағымбаев Әнуар Әлімжанұлы өз еркімен қызметінен кетті. Босаған басшы міндетін уақытша атқару оның орынбасары Ләззат Есенғалиеваға жүктелді, деп хабарлады басқармадағылар.

Ол бұл лауазымды қызметті 2019 жылдың тамызынан бастап атқарып келді.

Бүгінгі таңда облыста коронавирус инфекциясының 12 жағдайы анықталған.