Ақтөбе облысында сот қызметкері өзінің жалақысын "қолдан" көтеріп алған

Ақтөбе облысының Сыбайлас жемқорлыққа қарсы қызметі ҚР Жоғарғы Сотының Ішкі қауіпсіздік және сыбайлас жемқорлықтың алдын алу департаментімен бірлесіп, "сыбайлас жемқорлық қылмысын жасады" деген күдікке алынған "Ақтөбе облысы бойынша сот әкімшісі" РМБ қаржы бөлімінің басшысын тексеріп, қылмысын әшкереледі, деп хабарлайды zakon.kz.

"Ол жалақысын негізсіз өсіре отырып, жалпы сомасы 1 млн 176 мың теңге бюджет қаражатын жымқырды деп күдікке алынды", - делінген Сыбайлас жемқорлыққа қарсы іс-қимыл агенттігінің хабарламасында.

Кінәсін мойындағандықтан, күдіктінің қорғаушысының кепіл етуімен сотқа дейінгі тергеп-тексеру жұмыстары қысқа уақыт ішінде аяқталып, оған тергеу кезінде қамауға алу шарасы қолданылған жоқ.

Күдіктіге қатысты түпкілікті шешімді сот қабылдайды.

Оқи отырыңыз

Тәжікстан мен Өзбекстанда жер сілкінісі болды

14:58, 23 қараша 2024

Астана тұрғындарына қала көгінде әскери ұшақтар пайда болатыны ескертілді

11:32, 23 қараша 2024

Іле Алатауының басына шығып алған жасөспірім одан түсе алмай қиналған

09:45, 23 қараша 2024