Желіде Тоқаевтың Германия сапарының алғашқы күнінің видеосы жарияланды
Ақорда
ҚР Президентінің баспасөз хатшысы Берік Уәли Facebook-те Қасым-Жомарт Тоқаевтың Германияға жасаған сапарының алғашқы күніне шолу жасаған видеомен бөлісті, деп хабарлайды zakon.kz.
5 желтоқсанда Мемлекет басшысы ресми сапармен Берлинге келді. Федералды канцлер кеңсесінің алдында Қазақстан Президенті мен Германия канцлері Ангела Меркельдің ресми кездесу рәсімі өтті. Рәсімнен кейін олар кеңейтілген құрамда келіссөздер өткізді.
Сондай-ақ, осы күні Қазақстан Республикасының Президенті Германияның Федеральдық Президенті Франк-Вальтер Штайнмайермен кездесіп, неміс бизнесінің өкілдерімен сөйлесті.
6 желтоқсанда Берлинде Қасым-Жомарт Тоқаев Берлин Еуразиялық клубының 28-ші отырысында сөз сөйлейді, сондай-ақ неміс компанияларының жетекшілерімен кездесулер өткізеді.
