Елбасы Қанат Жұмабаевты лауазымды қызметке тағайындады
presidentlibrary.kz
Жұмабаев Қанат лауазымды қызметке тағайындалды, деп хабарлайды zakon.kz.
"Қазақстан Республикасының Тұңғыш Президенті - Елбасың Қорының атқарушы директоры болып Жұмабаев Қанат Несіпбайұлы тағайындалды", - деп жазды Елбасының баспасөз хатшысы Айдос Үкібай желіде.
Жұмабаев Қанат Несіпбайұлы 1965 жылы туған.
М.В.Ломоносов атындағы Мәскеу мемлекеттік университетін бітірген. КСРО СІМ Мәскеу мемлекеттік халықаралық қатынастар институтының сыртқы экономикалық қызметке арналған мамандар даярлау мектебін бітірген. Бұрын ол "ҚазАстықТранс" ЖШС басқарма төрағасы болған, Қазақстан Республикасы Президентінің Кеңсесінде лауазымды қызметтер атқарған, 2014 жылдан бастап "ЛОК Алатау" АҚ президенті болған. Мемлекеттік органдар және жеке бизнес бойынша Қазақстан Республикасында және одан тыс жерлерде үлкен тәжірибеге ие.
2016 жылғы желтоқсаннан 2019 жылғы 25 наурызға дейін - Қазақстан Республикасының Тұңғыш Президенті - Елбасы Қорының атқарушы директоры;
2019 жылдың 25 наурызынан бастап Қазақстан Республикасы Тұңғыш Президенті - Елбасы Қорының атқарушы директорының орынбасары болды.
Бұған дейін Қазақстан Республикасы Тұңғыш Президенті Қорының атқарушы директоры лауазымын Исекешев Әсет Өрентайұлы басқарған, ол ҚР Президентінің көмекшісі - Қазақстан Республикасы Қауіпсіздік Кеңесінің хатшысы болып кетті.
