Алматы көшелеріне 93 "ақылды" бағдаршам орнатылады

Алматы қаласының әкімдігі Алматы қаласының әкімдігі
Алматыда 93 бағдаршам нысаны зияткерлік жүйемен жарақтандырылады

ҚР "Алматы қаласының ерекше мәртебесі" Заңының аясында қала әкімдігі жол қозғалысын басқарудың автоматты жүйесін енгізу мен пайдаланудың жаңа Ережелерін әзірлеуде, деп хабарлайды zakon.kz Алматы қаласы әкімдігінің баспасөз қызметіне сілтеме жасап.

Аталған Ережелер қаланың бағдаршам жүйесін модернизациялауға мүмкіндік береді. Биылғы жылы 93 бағдаршам зияткерлік көлік жүйесімен жарақтандырылады. Бұл құзырет қала тұрғындарының, мамандардың пікірін және халықаралық тәжірибені ескере отырып әкімдіктің бастамасы бойынша қолға алынуда. Осы мәселеге қатысты жүргізілген зерттеулер бағдаршамдарды жол жағдайларына қарай бейімдеу қажет екенін көрсетті.

"Ағымдағы жылы зияткерлік жүйенің алғашқы кезеңінде 93 бағдаршамды жарақтандыруды жоспарлаудамыз, қалғандары 2022 жылдың соңына дейін жүзеге асырылады", — деді Алматы қаласы қалалық мобильділік басқармасы басшысының орынбасары Қанат Байғоныров.

"Ақылды" бағдаршамдар жолдардағы қозғалысты өзі реттейді, қондырғы жүргізушілер үшін қолайлы уақытты (20 немесе 30 секунд) болжай алады.

Бұлардан өзге, Қ. Байғоныров бағдаршамдардың зияткерлік жүйесінің жолақтардағы, бағыттардағы көлік санын автоматты түрде санайтынын және көлік жылдамдығын анықтайтынын да айтты.

"Көлік ағынын тіркейді және сыртқы әсерсіз жол қозғалысын реттейтін болады. Осылайша, бағдаршамдар жолдардағы жағдайларға бейімделеді", — деп хабарлады Алматы қаласы мобильділік басқармасы басшысының орынбасары Қанат Байғоныров.

Нәтижесінде "ақылды" бағдаршамдар "жасыл дәлізді" құрады және қозғалыс әлеуетіне басымдық береді, ең алдымен қозғалыстың үлкен ағынын азайтуды басшылыққа алады әрі қоғамдық көлік қозғалысына ықпал етеді.
Мұндай зияткерлік жүйені енгізу қаладағы жол қозғалысына қатысты проблемаларды шешуге, жолдардағы кептелістерді азайтуға, көше-жол желісінің өткізу қабілетін арттыруға әрі апатты жағдайларды азайтуға көмектеседі деп күтілуде.

zkadm
Бөлісу
0
Толық оқу
Басты Топ LIVE Бәрі
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз