"Қазақмыс" зауытының басшылығына шабуыл жасалды - шабуыл жасаған адам мерт болды

magSpace.ru magSpace.ru
Алдымен мылтыққа, одан соң пышаққа қол салынған.

Жезқазған қаласындағы "Қазақмыс" зауытының бас директоры мен кәсіпорынды дамыту жөніндегі директорға шабуыл жасалғаны туралы ақпарат жария болды. Оларды қызметтік кеңседе пышақтап тастаған, деп хабарлайды zakon.kz Телеграмм-дағы Вся Караганда арнасына сілтеме жасап.

Қайғылы оқиға бүгін 17 сағат 50 минутта Жезқазған қаласындағы "Қазақмыс" корпорациясының ғимаратында болды.

Зауыттың бас директоры Амангелді Мініғұлов пен кәсіподақ ұйымының төрағасы Тоғызбай Тәжбенов кабинетте өзара сөзге келіп қалған. Тәжікелескен Тәжбенов бір уақытта кабинеттен шығып, бес минуттан кейін мылтықпен оралып, оқ атқан, бірақ оның атқан оғы ешкімге тимеген.

Мұнысынан түк шықпаған кәсіподақ жетекшісі пышақ алып, Мініғұловқа сілтеген. Қызыл кеңірдек екеудің арасына түскен кәсіпорынды дамыту жөніндегі директор Сабыржан Тембаев та пышаққа түскен. Ол да осы кабинетте болған.

Пышақтан жарақаттанған екеу дереу ауруханаға жеткізілді.

Ал Тәжбенов төбелес болған жерде өз-өзіне қол салып, мерт болған.

Жезқазған полициясы бас директорға шабуыл жасалғаны туралы ақпаратты растады, деп жазады BaigeNews.kz.

- Қылмыс орын алды. Қазір барлық мән-жай анықталып жатыр. Тергеу тобы оқиға орнында жұмыс істеп жатыр, - деді құқық қорғау органындағылар.

Компанияның бас директоры жан сақтау бөліміне түскен. Дәрігерлер баспасөзге қандай да бір түсінік беруден бас тартты.

zkadm
Жаңалықтан zakon.kz сайтында хабардар болыңыз:
Бөлісу
0
Толық оқу
Басты Топ LIVE Бәрі
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз