Қытайдан оралатындарды тасыған ендігі ұшақ Нұр-Сұлтанға емес, Алматыға қонады

12 Ақпан 2020, 12:12
Сурет: zakon.kz

ҚР Сыртқы істер министрі Мұхтар Тілеуберді коронавирустық инфекцияға байланысты Қытайдан Қазақстанға эвакуацияланатындардың тізіміне қатысты түзету болуы мүмкін екенін айтты, деп хабарлайды zakon.kz.

12 ақпанда ұшақ ұшып шығады. Онымен 155 адам елге оралады деп күтіп отырмыз. Өтініштер қабылданып, біз бәрін реттеп жатырмыз, ұшақ қашан ұшады, сол кезде соңғы цифрды жариялаймыз, - деді Тілеуберді Мәжілістен тыс журналистерге берген сұқбатында.

Ол ұшақтың 12 ақпанда кешке ұшуға жоспарланғанын еске салды.

Ұшақ Алматыға қонады, өйткені онда карантин орны әзірленіп қойған. Барлық жолаушылар тегін тасымалданады, деп сендірді министр

Оның айтуынша, қазіргі уақытта Қытайға тек екі рейс жоспарланған және олар орындалуда.

Әзірге қайтқысы келгендердің саны осы, әйтпесе ұшақта әлі бос 60 орын бар. Бұған дейінгі барлық ұшақ Нұр-Сұлтанға ұшып келген, ал карантинге дайындалған ауруханалар толып кетті, сондықтан біз ендігі жолаушыларды Алматыға жолдамақпыз, - деді министр.


zakon.kz жаңалықтарын оқыңыз
Жазбаларды көрсету

Көп оқылғандар

барлық жаңалықтар

ЖАҢАЛЫҚТАР

қате туралы хабарлау
Қате туралы хабарлау
Қате мәтін:
Түсініктеме:

Маңызды жаңалықтарды білгіңіз келе ме?