Жаңалықтар тізбегі
0

Мәжілісте Марат Оспановқа арналған кітаптың тұсаукесері өтті

Ж.Құспанов, сурет - Zakon.kz жаңалық 14.02.2020 18:23 Ж.Құспанов
Марат Оспанов басқарған жылдары Парламент жан-жақты және табысты еңбек етті.

Бүгін Мәжілісте Елбасының сенімді серігі, белгілі мемлекет және қоғам қайраткері, Парламент Мәжілісінің алғашқы Төрағасы, 20 жыл бұрын дүниеден өткен Марат Оспановқа арналған конференция аясында "Отанға адал қызмет ету" атты кітаптың тұсаукесері өтті, деп хабарлайды zakon.kz Мәжілістің баспасөз қызметіне сілтеме жасап.

Іс-шараға Мәжіліс Төрағасы Нұрлан Нығматулин, Парламент депутаттары, қоғам қайраткерлері және М. Оспановтың отбасы, туған-туыстары және жақындары қатысты.

Конференцияны ашқан Мәжіліс Төрағасы:

- Марат Оспанов туралы естеліктер біздің Қазақстанымыздың егеменді ел атанған тарихи кезеңімен қатар жүреді. Себебі Марат Тұрдыбекұлы Тұңғыш Президентіміз, Елбасы Нұрсұлтан Әбішұлы Назарбаевтың сенімді серігі бола жүріп, тәуелсіздікке жету, оны қалыптастыру және дамыту жолында аянбай еңбек етті, - деді.

Марат Оспановтың мол білімін, ерекше қабілетін, батыл мінезі мен үлкен саясат жолында еңбек етіп, отандық парламентаризмді дамытуға зор үлес қосқанын алға тартқан Мәжіліс Төрағасы оның еңбек жолы ұрпаққа үлгі болатынын айтты.

- Марат Оспанов басқарған жылдары Парламент жан-жақты және табысты еңбек етті. Осы жылдарда Парламент 400-ден астам заң қабылдады. Сол уақытта қабылданған барлық заңдарда, соның ішінде, экономикалық құжаттарда Марат Тұрдыбекұлының қосқан үлесі зор және ерекше. Ол тек заң шығару қызметімен айналысып қана қоймай, қоғамдық жұмысына да, соның ішінде, мәдениет, спорт саласын нығайтуға белсене араласты. Марат Оспанов – бүкіл өмірін егемен еліміздің дамуына арнаған білікті саясаткер, іскер басшы, қайраткер тұлға, деді Палата Спикері.

М. Оспановпен бірге жұмыс істеген әріптестері мен достарының естеліктері, Мәжілісте ұйымдастырылған фотокөрме аясында өмірінің жарқын сәттерін бейнелейтін көптеген фотосуреттер оның жоғары адамгершілік және кәсіби қасиеттерін еске салды.

Марат Тұрдыбекұлы Оспанов (17.09.1949 – 23.01.2000) – Қазақстан Республикасы Парламент Мәжілісінің алғашқы Төрағасы.

Төрт шақырылым депутаты: Қазақ КСР-і Жоғары Кеңесінің ХII-ХIII шақырылымы және I және II шақырылымдағы ҚР Парламенті Мәжілісінің депутаты.

Экономика ғылымдарының докторы.

Қазақстан Республикасы Салық кодексінің, Тәуелсіз Қазақстанның Декларациясын әзірлеуге атсалысқан.

2-дәрежелі "Барыс" орденімен марапатталған.

zkadm
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: