Түркіменстан мұғалімдері тек жасыл түсті қалам ұстауға міндетті

Түркіменстанда мектеп мұғалімдерінен жасыл түсті қалам мен блокнот қолдануды талап етіп жатыр. Бұл жөнінде Азаттық радиосы түркімен қызметінің тілшісі хабарлады, деп жазады centralasian.org.

"Мектеп мұғалімдерінің әрбірінен түркімен туы түстес жасыл қаламсап және блокнот сатып алуды талап етіп жатыр. Бір қаламсап 45 манат, бір блокнот 50 манат тұрады", - дейді тілші.

Түркіменстанда ресми бағам бойынша бір АҚШ доллары 3,5 манат болады.

Осыған дейін Түркіменстанда ер адамдар жасыл түсті тақия, әйелдер ұлттық киім киіп жүру міндеттендірілген.

Өткен аптада мемлекеттік телеканалдар ел президенті Гурбангулы Бердымұхамедовтің парламент депутаттарымен болған жиналысты көрсеткен. Онда залда отырған шенеуніктер жасыл түсті қаламсап пен жасыл блокноттарға жазып отырғаны байқалған.

Оқи отырыңыз

Доллар өсіп, теңге неге әлсіреді? ҰБ жауабы

13:00, 03 желтоқсан 2021

Қаш! Айсұлтан Сейітов алғашқы фильмінің шет жағасын көрсетті

11:30, 02 желтоқсан 2021

Аралдағы мемлекет климатқа байланысты көшуге дайындала бастады

09:48, 02 желтоқсан 2021