Әлімханұлы "Канело" командасының жеңілмеген жас панчерімен шығады
Сурет: zakon.kz
Орта салмақта жұдырықтасатын қазақстандық боксшы Жәнібек Әлімханұлының (8-0, 4 КО) келесі қарсыласы белгілі болды, - деп хабарлайды zakon.kz Vesti.kz-ке сілтеме жасап.
Қазақ боксшымен амеркиалық Димитриус Баллард (20-0-1, 13 КО) жекпе-жекке шығуға келісті. Желтоқсанда ол АҚШ-тың Коста-Меса қаласында орта дивизионда бос болған NABF тұжырымы бойынша Солтүстік Америка чемпионы титулы үшін бразилиялық Ямагучи Фалькаомен (16-1-1, 7 KO) он раундтық жекпе-жекте тең түсті. Осылайша, белбеу сол күйде иесіз қалды.
Ал Әлімханұлы кейінгі рет рингке 10 қараша АҚШ-тың Фресно қаласында шығып, канадалық Альберт Онолуносені (24-3-1, 8 КО) алтыншы раундта нокаутқа түсірген.
Әлімханұлы - Баллард жекпе-жегі 28 наурыз Квебектегі бокс кешінде өтеді. Бұл бокс кешінің басты кезедсуінде жартылай ауыр салмақта IBF және WBC чемпионы ресейлік Артур Бетербиев (15-0, 15 КО) қытайлық Мэн Фаньлунмен (16-0, 10 КО) жұдырықтасады.
Айта кетейік, мұның алдында Top Rank промоутерлері Жәнібек Әлімханұлына қарсылас іздеуде қиындыққа тап болған еді. Промоутерлер бірнеше боксшымен байланысқа шыққан екен, оның ішінде канадалық Стив Роллс (20-1, 11 КО) бар. Алайда олардың бәрі жекпе-жектен бас тартқан.
