Reuters: Ресей Сириядағы жасағын асығыс күшейтіп жатыр
vedomosti-ua.com
Ресей асығыс түрде Сириядағы әскери жасағын күшейтіп жатыр. Бұл жөнінде Reuters агенттігі хабарлайды, деп жазды centralasian.org.
Бұл ақпарат 5 наурызда Мәскеуде Ресей және Түркия президенттері Владимир Путин мен Режеп Ердоған кездесуі алдында жарияланды.
Кездесу Идлибте жағдай ушыққан тұста өткелі жатыр. Сирия президенті Башар Асад армиясы Ресей қолдауымен қарулы оппозицияға қарсы шабулды жалғастырып жатыр. Қақтығыс кезінде түріктің 30-дан астам сарбазы қаза тапқан. Ал Түркия болса, Сириядағы қарулы оппозицияға қолдау көрсетіп келеді.
Reuters агенттігі ақпаратына қарағанда, Босфор бұғазы маңында Ресей теңіз және әуе күштерін күшейтіп жатыр. Алты күн ішінде Мәскеу Босфор арқылы бес кемесін жіберген. Бірақ ресми түрде екеу деп айтылады.
4 наурызда Түркия президенті Режеп Ердоған Мәскеудегі келіссөздерден кейін Идлибте соғыс тоқтайды деп үміттенетінін жеткізді.
Мәскеу де өз кезегінде жағдай жақсарады деп есептейді.
