Шымкенттің полиция қызметкерлері қыз-келіншектерді құттықтап жіберді

5 Наурыз 2020, 15:35
Сурет: видеодан алынды

Шымкент полицейлері 8 наурыз – Халықаралық әйелдер күні қарсаңында қыз-келіншектерге тосын сый жасады, деп хабарлайды "Хабар 24".

Тәртіп сақшылары қаладағы адам көп жиналатын арбатта бұрымдылардың құрметіне арнап, әсем әннен шашу шашты. Бұл көріністі Нұрдәулет Тәңірберген есімді әлеуметтік желі қолданушысы өзінің фэйсбуктағы жеке парақшасында жариялап, көпшілікпен бөлісті.

Онда бір топ жастар мен қыз-келіншектердің қоғамдық тәртіпті қадағалайтын полиция қызметкерлерінің өнеріне тәнті болып, қошемет көрсетіп жатқанын байқауға болады. Осылайша, аналар мерекесі қарсаңында қалалық полиция департаментінің қызметкерлері нәзікжандылар мен қала қонақтарына көтеріңкі көңіл күй сыйлады.

Бұл бастама полиция қызметкерлері туралы қоғамда жақсы пікір қалыптастырады деп жазды желі қолданушылары.


zakon.kz жаңалықтарын оқыңыз
Жазбаларды көрсету

Көп оқылғандар

барлық жаңалықтар

ЖАҢАЛЫҚТАР

қате туралы хабарлау
Қате туралы хабарлау
Қате мәтін:
Түсініктеме:

Маңызды жаңалықтарды білгіңіз келе ме?