Астана маңындағы елді-мекен тұрғындары интернет үшін шатырға шығуға мәжбүр

Елорда маңындағы Талапкер және Қажымұқан ауылдарының тұрғындары WhatsApp арқылы хат алысу үшін үйдің шатырына шығып жүр. Бұл елді-мекендер Билайн және Алтел компанияларының желісіне қосылған екен. Аталған ауылдарда ұялы байланыс қашан дұрысталады? Бұл сұраққа "Хабар 24" арнасындағы брифингке келген "Қазақтелеком" компаниясының өкілі мен "Кар-Тел" компаниясының қызметкері жауап берді.

Талапкер ауылындағы ұялы байланыстың станциясы көршілес Максимовка елді-мекенінде орналасқан. Ал бұл дегеніміз 4 шақырым болатын арақашықтық. Байланыстың дұрыс ұстамауы осы себептен болуы мүмкін.

"Қазақтелеком" компаниясының жауабы осындай болды. Ал Beeline маркасы қарасты "Кар-Тел" компаниясының өкілі елорданың айналасында бұл оператордың үздіксіз жақсы жұмыс істеп тұрғанын алға тартты.