Ақмола облысында сарбаз өз-өзін атып өлтірді

Степногорскіде №3517 әскери бөлімінің әскери сарбазы өз-өзін басынан атқан, деп хабарлайды zakon.kz.

Биыл 22 сәуірде сағат 07:30 шамасында №3517 әскери бөлімінің (Степногорск қ.) қатардағы әскери сарбазы Б.А. Рашев түзеу мекемесін күзетіп жүргенде қолындағы қарумен өз-өзін басынан жарақаттап, көз жұмды, - дейді ҚР Ұлттық гвардиясының баспасөз қызметіндегілер.

Әскери сарбаз қайтыс болғаннан кейін бұл туралы Ақмола гарнизонының әскери прокуратурасына хабарланды.

Оқиғаның себептері мен мән-жайларын анықтау үшін ҚР Ұлттық ұланының Бас қолбасшысы ішкі тергеуді тағайындап, "Орталық" өңірлік қолбасшысы басқаратын жұмыс тобы оқиға орнына жіберілді.

Ішкі тергеу нәтижелері кейін жарияланады.