Алматыда келісімшарт қызметінің әскери қызметшісі қаза тапты

Құқық қорғау органдары қажетті тергеу әрекеттерін жүргізіп жатыр. Болған оқиғаның себептері мен мән-жайларын анықтау үшін қызметтік тергеу тағайындалды, деп хабарлайды Zakon.kz.

Қайғылы жағдай 22 тамыз сағат 15.15-тер шамасында болды. 2001 жылы туылған келісім шарт бойынша әскери қызметші Сабыров Абылай қайтыс болды.

Қызметтік міндетін орындау кезінде келісім шарт бойынша әскери қызметші Алматы қаласында өзіне бекітілген тапаншамен өзін-өзі атып, алған жарақатының салдарынан қайтыс болды.ҚР Ұлттық ұланы «Оңтүстік» өңірлік қолбасшылығының баспасөз қызметі

Қазақстан Республикасы Қылмыстық-процестік кодексінің 201-бабына сәйкес өзге мәліметтер тергеу мүддесі үшін жария етілмейді.