Түркістан облысында коронавирус расталған жалпы 79 науқас тіркелді
pixabay.com
24 сәуір күнгі ақпаратқа сәйкес, Түркістан облысында COVID-19 инфекциясын жұқтырған тағы 4 науқас тіркелді, деп хабарлайды zakon.kz Түркістан облысы әкімінің баспасөз қызметіне сілтеме жасап.
Алматы облысы, Қапшағай қаласының 1974 ж. тұрғыны Қызылорда қаласында жұмыс істеген. Сарыағаш ауданындағы ата-анасына 15 сәуір күні келген.
Қазығұрт ауданы, Шанақ ауылдық округі, Ақжар ауылының 1962 ж. тұрғыны, Сарыағаш ауданы, Жарты-төбе ауылдық округі, Ынтымақ ауылының 1982 ж. тұрғыны, Сарыағаш ауданы, Жарты-төбе ауылдық округі, Құрама ауылының 1968 ж. тұрғынынан вирус расталды.
Аталған азаматтар коронавирус инфекциясын жұқтырған науқастармен жақын байланыста болған. Вирус жұқтырғандар қазіргі уақытта оқшауланып, тиісті ем қабылдауда.
Қазіргі таңда облыс бойынша Жетісай ауданында – 20 адам тіркелген (оның ішінде 1956 ж азамат 4 сәуір күні қайтыс болған).
Арыс ауданында - 17, Кентауда - 6, Мақтаралда - 4, Ордабасы - 5, Сайрамда - 3, Сарыағаш ауданында - 8, Түркістан қаласы - 6, Созақ ауданы – 5, Бәйдібек ауданы -2, Қазығұрт ауданында 3 науқастан анықталды.
Облыста жалпы 79 науқас тіркелген.
