Тоқаев: Түркістан облысында 22 мыңға жуық адам эвакуацияланды
Ақорда
Қазақстан Президенті Өзбекстандағы дамбаның жарылуына байланысты Түркістан облысындағы жағдайды өз бақылауында ұстап отыр, деп хабарлайды zakon.kz.
"Өзбекстан аумағындағы Сардоба су қоймасы бөгетінің бұзылуы салдарынан Түркістан облысының 10 ауылын су басты. 22 мыңнан астам тұрғын эвакуацияланды. Оларға көмек көрсетіліп жатыр. Өзбекстан Үкіметімен келіссөздер жүргізілуде", деп жазды Қасым-Жомарт Тоқаев Твиттерде.
Өзбекстан аумағындағы Сардоба су қоймасы бөгетінің бұзылуы салдарынан Түркістан облысының 10 ауылын су басты. 22 мыңнан астам тұрғын эвакуацияланды. Оларға көмек көрсетіліп жатыр. Өзбекстан Үкіметімен келіссөздер жүргізілуде.
— Qasym-Jomart Toqayev (@TokayevKZ) May 3, 2020
1 мамырда таңғы сағат 05:10 шамасында Сардоба су қоймасының бөгетінің төменгі бөлігінің шайылып кетуіне байланысты Өзбекстанның Сырдария облысы Сардоба ауданының аумағында су тасыды. Осыған байланысты Түркістан облысының кейбір елді-мекендеріне зиян келді. Мақтаарал ауданында жедел штаб құрылып, техногендік сипаттағы төтенше жағдай жарияланды. Төтенше жағдай комиссиясында ҚР ІІМ ТЖК төрағасы Владимир Бекер жетекшілік ететін республикалық шұғыл штаб та жұмыс істейді. 2020 жылдың 2 мамырында су алған ауданда техногендік төтенше жағдай режимін енгізу туралы шешім қабылданды.
