Жаңалықтар тізбегі
0

Депозиттерге кепілдік беру қоры салымшылардың 99,8% шотына кепіл береді

Prodengi.kz, сурет - Zakon.kz жаңалық 05.05.2020 22:16 Prodengi.kz
Халықаралық стандарттар бойынша жасалған бағалаулар арнайы резервтің жеткілікті екендігін көрсетіп отыр.

Қазақстанның депозиттерге кепілдік беру қоры (ҚДКБҚ, Қор) салымшылардың 99,8% шотына толық көлемде кепілдік береді, деп хабарлайды zakon.kz қордың баспасөз қызметіне сілтеме жасап.

Осы көрсеткіш бойынша Қазақстанның депозиттерді қорғау жүйесі әлемнің дамыған мемлекеттері ­– АҚШ, Канада, Еуропалық одақ елдері, Корея және Жапониямен бірдей деңгейде.

Кепілдік берілген өтемді қамтамасыз ету үшін Қорда жинақтау негізінде арнайы резерв жасалған. Ол негізінен депозиттерге кепілдік беру жүйесіне қатысушы банктердің үш ай сайын төлейтін жарнасы есебінен қалыптасады.

Қазіргі уақытта Қордың арнайы резервінде 509 миллиардтан астам теңге, ал ҚДКБҚ жарғылық капиталы мөлшерінің 70%-ын ескеретін болсақ, 619 млрд теңге жинақталған.

Халықаралық стандарттарға сәйкес депозиторларды қорғау жүйесінің резерві ең ірі банктердің немесе бүкіл қаржы жүйесінің депозиттік базасын өтеуге емес, болжалды шығындардың деңгейіне сәйкес болуы керек.

ҚДКБҚ-ның қазіргі қолда бар арнайы резервінің деңгейі (барлық депозиттердің 6,3 пайызы) "Депозиттерге міндетті кепілдік беру туралы" ҚР Заңында – кепілдік берілген бүкіл депозиттер сомасының 5 пайызынан кем болмауы керек, - деп талап етілген мақсатты деңгейден жоғары.

Атап өту керек, халықаралық тәжірибеде депозиттерге кепілдік беретін (сақтандыру) осындай қорларда салымшылардың құқығын қорғайтын басқа да құралдар бар. ҚДКБҚ Халықаралық депозиттерді сақтандыру жүйесі қауымдастығының (IADI) мүшесі бола отырып, проблемалық банктермен жұмыс істеу, оның ішінде олардың активтері мен міндеттемелерін депозиттерге кепілдік беру жүйесіне қатысушы банкке немесе қатысушы банктерге беру бойынша бірқатар механизмдерді алдын ала қарастырған. Бұл өз кезегінде кепілдік берілген өтемді төлемеуге, яғни ҚДКБҚ резервін бекерге шығындамауға мүмкіндік береді.

Халықаралық стандарттар бойынша жасалған бағалаулар арнайы резервтің жеткілікті екендігін көрсетіп отыр. Ал егер арнайы резерв жеткіліксіз болған жағдайда, ҚДКБҚ қолдау іздеп, Ұлттық Банкке өтініш жасай алады. Алайда бұлай болуы екіталай.

Жоғарыда келтірілген барлық мағлұматтар депозиттерге кепілдік беру жүйесінің орнықты екендігін көрсетеді. Ол екінші деңгейдегі банктердің жұмысында жағымсыз сценарийлер орын алған жағдайда Қазақстанның барлық тұрғындарын қорғауға бағытталады.

Еске саламыз, сақтандыру жағдайы туындаған кезде ҚДКБҚ кепілдік берілген өтемді депозит бойынша қалдық сома шегінде, бірақ ұлттық валютадағы жинақ депозиттер бойынша – 15 млн теңгеден, теңгедегі қалған басқа депозиттер бойынша – 10 млн теңгеден, шетел валютасындағы депозиттер бойынша – 5 млн теңгеден аспайтын көлемде төлейді.

zkadm
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: