Сотталған әйелдер концерт қойды
ШҚО ҚАЖД
Елімізде 10 тамыз күні Абай Құнанбайұлы күні болып жарияланды. Пандемия індетіне қарамастан, ҚАЖД ОВ-156/21 түзету мекемесінің әкімшілігінің және сотталғандардың тарапынан ҚАЖД ОВ-156/6 мекемесінде жазасын өтеушілерге skype сайты арқылы онлайн концерттік бағдарлама ұсынылып көрсетілді.
"Елбасымыздың заманалар ауысып, дүние дидары өзгерсе де, халқымыздың Абай атамызға көңілі айнымайды, қайта уақыт өткен сайын, оның ұлылығының тың қырларын ашып, жаңа сырларына қаныға түседі. Абай атамыз өзінің туған халқымен мәңгі бақи бірге жасайды, ғасырлар бойы қазақ елін, қазағын биіктерге асқар асуларға шақыра береді деген өнегелі сөзі ақын мұрасының мәңгілік өсиет ретінде бағаланатынын айқын аңғартады" - деп концерттік бағдарламаны сотталған Айнұр ашты.
Бұл концертте жазасын өтеуші нәзік жандылар ұлы ақынның өлеңдерін оқып, әндерін нақышына келтіріп шырқады. Ұлы атамыздың тәрбиелік мағынасы зор қара сөздері оқылды. Ұлы Абай атамыздың күніне арналған шағын концертін ҚАЖД ОВ-156/6 мекемесінің жазасын өтеуші 20 сотталған ер азаматтары тамашалады.
ҚАЖД ОВ-156/6 түзеу мекемесінің жазасын өтеуші Султанов Р.О "Бұл Абай атамызға деген құрмет әрі ұрпақты тәрбиелеудің тиімді тәсілі" деп алған әсерімен бөлісіп, әйелдер колониясында жазасын өтеп жатқан сотталғандарға алғысын білдірді.
