Үкімет басшысы Қазақстан халқын Конституция күнімен құттықтады
primeminister.kz
ҚР Премьер-министрі Асқар Мамин Қазақстан халқын Конституция күнімен құттықтады, деп хабарлайды zakon.kz.
Үкімет басшысының құттықтауы primeminister.kz сайтында жарияланды.
Құрметті отандастар!
Сіздерді еліміздің тарихындағы айтулы оқиға — Қазақстан Конституциясының 25 жылдығымен құттықтаймын!
Басты Заң Қазақстан Республикасының зайырлы, құқықтық және унитарлық мемлекет ретіндегі негіздерін бекітіп, еліміздің әлеуметтік-экономикалық дамуы мен тұрақтылығының берік іргетасына айналды.
Мемлекетіміздің сенімді конституциялық негізі құрылымдық экономикалық реформаларды жүргізуге және халықтың әл-ауқатын одан әрі арттыруға барлық қажетті шараларды қабылдауға мүмкіндік береді.
Барша қазақстандыққа зор денсаулық, бейбіт өмір, амандық пен табыс тілеймін!
