ДДСҰ баршаны тағы бір пандемияға дайын болуға шақырды
Getty Images
Дүниежүзілік денсаулық сақтау үйымының (ДДСҰ) басшысы Тедрос Гебрейесус коронавирус пандемиясымен бәрі бітіп қалмайтынын, оның тағы бір жаңа түріне алдын-ала дайындалу керектігін айтты, деп хабарлайды zakon.kz.
Бұл - соңғы пандемия емес. Тарих бізге аурудың өршуі мен пандемия, шын мәнінде, өміріміздің бір бөлшегі екенін көрсетіп беріп отыр, - деді Гебрейесус.
"Сондықтан келесі пандемия келгенде, әлем оған осы уақыттағыдан гөрі әлдеқайда дайын болуы керек", - деп қосты ол.
Жаңа коронавирус тудырған COVID-19 пандемиясы "бар адамға көп сабақ болды", - деп жалғастырды сөзін ДДСҰ басшысы.
- Соның бірі - денсаулық - өз күтімімен айналыса алатын сән-салтанат емес, бұл - қажеттілік және адамның құқығы. Денсаулық сақтау жүйесі "әлеуметтік, экономикалық және саяси тұрақтылықтың негізі", деп атап өтті Гебрейесус.
Осыған байланысты Гебрейесус "аурудың алдын-алуға, анықтауға (жауап беруге)", сондай-ақ "халықтың денсаулығына, әсіресе алғашқы медициналық-санитарлық көмекке" алдын ала инвестиция салуға шақырды. Мысал ретінде ДДСҰ басшысы Таиландтың денсаулық сақтау саласын дамытуға бағыттап жатқан күш-жігерін, сондай-ақ Италия қабылдаған "күрделі шешімдерді" келтірді, бұл іс-әрекеттер "COVID-19-ны ауыздықтауға" мүмкіндік берген.
