Ақтоғай кен байыту фабрикасында жұмысшы қаза тапты

KAZ Minerals Тобы Шығыс Қазақстан облысында орналасқан Ақтоғай кен орынының екінші байыту фабрикасының құрылыс алаңында орын алған жазатайым оқиға орын алғанын жеткізді, деп хабарлайды altaynews.kz.

Жетінші қыркүйек күні сағат 22.00 шамасында монтаждау жұмыстарын жүргізу кезінде мердігерлік ұйым - ICG компаниясының қызметкері биіктіктен құлап кеткен. Алған жарақаттардың салдарынан зардап шеккен азамат қайтыс болды.

- Оқиға орнындағы жұмыстар тоқтатылды. Оқиғаның мән-жайы мен себептері анықталуда, қайғылы жағдайды тергеу үшін арнайы комиссия құрылды. KAZ Minerals Тобының басшылығы мен ұжымы марқұмның туған-туыстары мен жақындарына көңіл айтып, қайғыларына ортақтасады, - деп KAZ Minerals Тобының баспасөз қызметі хабарлайды.