Грекияда тәулік бойы Димаштың әндерін беретін радио ашылды

9 Қыркүйек 2020, 16:50
Сурет: dimashnews.com

Грекияда Димаштың шығармашылығын насихаттайтын жаңа онлайн радио ашылды. "Dimash Greece" радиостанциясы әлемдік ғаламтор желісіне шілде айынан бастап шыға бастады. Онда аптаның 7 күнінде тәулігіне 24 сағат Димаш Құдайбергеннің әндері шырқалады, деп хабарлайды dimashnews.com.

"Dimash Kudaibergen Greece" фан-клубының әкімшісі Лена Ворк онлайн-радио арқылы Грекиядағы Димаштың шығармашылығына табынушылардың қатарын арттырмақшы. Ойын жүзеге асыру үшін өзге елдегі фан-клубтардың тәжірибесін меңгерген. Талдау жасай отырып, өзінің радиостанциясын іске қосты.

Грекиядағы Димаштың фан-клубы жуырда ғана өздерінің 2 жылдығын атап өтті. Олар Грекияда Димаштың шығармашылығына қатысты шаралар ұйымдастырып, қазақ ұлының өнерін насихаттауда белсенді істер атқарып жүр.

Айта кетсек, Димаштың өнерін насихаттауға арналған осындай радио алдында Польша мен Чили елдерінде де ашылған еді.


zakon.kz жаңалықтарын оқыңыз
Жазбаларды көрсету

Көп оқылғандар

барлық жаңалықтар

ЖАҢАЛЫҚТАР

қате туралы хабарлау
Қате туралы хабарлау
Қате мәтін:
Түсініктеме:

Маңызды жаңалықтарды білгіңіз келе ме?