Алматыдағы "Асыл арман" сыраханасындағы отырыс атыспен аяқталды

Ашық дерекөздерден алынды Ашық дерекөздерден алынды
Бұл тұрғын үй кешенінде 20 мыңнан аса адам тұрады.

Алматы іргесіндегі "Асыл арман" кешенінің тұрғындары жабылып жүріп, сырахананы жаптыра алмады. Карантинді пысқырмай, ала жаздай мазаны алғаны өз алдына, енді клиенттері топтасып төбелесіп, тіпті қару қолданатын болған, деп хабарлайды КТК телеарнасы.

Бұл тұрғын үй кешенінде 20 мыңнан аса адам тұрады. Онсыз да адам қарасы көп жиылған жерде карантин уақытында жағдай, тіптен ушыққан. Шектеуге шекесінен қараған кәсіпкерлер сыра сатуын күндіз-түні тоқтатпаған. Ащы суға елірген клиенттері түнімен ұйқы бермейді. Бірнеше күн бұрын ғана осындай көңілді отырыстың соңы атыспен аяқталған.

Динара Дүйсебаева:

- Атыс болды. Травматикалық қарудан ба, білмеймін. Бірақ атып жатқан кезде ұшқын шығып жатты. Балконға шығып қарадық. Түн ортасында шудан оянып, қарасақ, 5-6 жас бала жүр. Сырахана қожайыны ол кісінің жұбайы, барлығы бір-бірімен ұрсысып, аайқайласып, төбелесті.

Аулада атыс болғаны жайында әлеуметтік желіде тараған ақпаратты ести сала, полиция департаменті істі анықтауға кіріскен. Тентек те алысқа ұзай алмапты.

Серік Үпиев, Алматы облыстық ПД ресми өкілі:

- Жедел іздестіріп, 26 жастағы жергілікті тұрғынды таптық. Пиротехникалық бұйымдарды белгіленбеген жерде, яғни "Асыл арман" тұрғын үй кешенінің аумағында қолданғаны белгілі болды.

Ал кешендегі ығы-жығы жұртқа сыраханалардың маңайдағы ауылдардан жиналатын клиенттері қосылған. Түн ұйқысы бұзылған тұрғындар бұған тыйым салынсын деп отыр.

Мәулетхан Закарияұлы:

- Көлікпен келеді, музыканы қатты қойып қояды. Бұл жерде кәрі шалдар, ауырып жатқан кемпірлер, жас балалар бар, ұйқысы бұзылды. Тәртіп деген жоқ.

Әзірге, тұрғындар кешкі рейдке өздері шығып жүр. "Сырахана жұмысына түпкілікті тоқтау болмаса, тексерісті өзіміз жалғастыра береміз", - дейді олар.

zkadm
0
Толық оқу
Басты Топ LIVE Бәрі
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз