Жаңалықтар тізбегі
0

30-дан астам ЖОО мемлекеттік білім беру тапсырысына жіберілмеді

Хабар 24, сурет - Zakon.kz жаңалық 15.09.2020 14:47 Хабар 24
Бұл шешім белгілі бір жоғары оқу орындары тарапынан наразылық тудырады.

Республикалық конкурстық комиссияның шешімі бойынша еліміздегі отыздан астам жоғары оқу орны мемлекеттік тапсырыс орналастырылған жоғары оқу орындарының тізіміне енгізілмеді, деп хабарлайды zakon.kz ҚР БҒМ баспасөз қызметіне сілтеме жасап.

Жоғары және жоғары оқу орнынан кейінгі білімі бар кадрларды даярлауға арналған мемлекеттік тапсырысты орналастыру жөніндегі Республикалық конкурстық комиссияның құрамына Қазақстан Республикасы Парламентінің депутаттары мен мүдделі мемлекеттік органдар кірді. Сондай-ақ комиссия құрамына "Атамекен" ҚР Ұлттық Кәсіпкерлер палатасы мен ҚР Жоғары оқу орындары қауымдастығының өкілдері және қоғам қайраткерлері, оның ішінде Қазақстан Республикасы Президенті жанындағы Ұлттық қоғамдық сенім кеңесінің мүшелері де болды.

"Мемлекеттік тапсырысты орналастыру кезінде қоғам барынша әділдікті талап етті. Биыл біз мұны жүзеге асырдық. Дегенмен, бұл шешім белгілі бір жоғары оқу орындары тарапынан наразылық тудыратынын білдік. Республикалық комиссияның шешімі бойынша конкурс талаптарына сәйкес келмейтін 30-дан астам жоо 2020-2021 оқу жылына арналған мемлекеттік білім беру тапсырысы орналастырылатын жоғары оқу орындарының тізімінен алып тасталды. Байқауға барлығы 108 жоғары оқу орны қатысты. Мемлекеттік тапсырыс орналастырылған жоғары оқу орындарының саны айтарлықтай қысқарды. Мәселен, "құқық" білім беру бағдарламаларының тобы бойынша тек 10 жоғары оқу орнында мемлекеттік грант бойынша оқу мүмкін болады, басқа бағдарламалар бойынша да елеулі өзгерістер бар", – дейді ҚР БҒМ Жоғары және жоғары оқу орнынан кейінгі білім департаментінің директоры Әділет Тойбаев.

Мемлекеттік тапсырысты орналастыру кезінде мынадай критерийлер ескеріледі: жоғары оқу орындарын білім беру бағдарламалары бойынша аккредиттеу, түлектердің жұмысқа орналасу пайызы, білім беру бағдарламаларының сапасы және жоғары оқу орнының "Атамекен" ҰКП рейтингіндегі позициясы.

"Дипломдарды басып шығарумен" айналысатын оқу орындарының жабылуы Мемлекет басшысы Қасым-Жомарт Тоқаевтың 2020 жылғы 1 қыркүйектегі Қазақстан халқына Жолдауының бір тармағы болып табылатынын естеріңізге саламыз.

zkadm
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: