Жаңалықтар
Басқа бұқаралық ақпарат құралдарында
Загрузка...
Читайте также

Мектепке компьютер сатып алудың соңы да талан-таражбен тынбасын

Мектептерге компьютерлерді жергілікті атқарушы органдар сатып алып жатыр.

Сурет : Shutterstock18 Қыркүйек 2020, 14:28

Бүгінгі таңда жергілікті атқарушы органдар еліміздегі мектептер мен колледждерге компьютерлік техника сатып алуда. Осыған байланысты мемлекеттік қаражаттың ашықтығы толық қамтамасыз етіліп, ұқыпты жұмсалуы қажет, деп хабарлайды zakon.kz ҚР БҒМ баспасөз қызметіне сілтеме жасап.

Бүгінгі таңда ҚР Білім және ғылым министрлігімен арнайы ресурс дайындалып жатқанын айта кеткен жөн. Бұл жерде жергілікті атқарушы органдар мен білім беру ұйымдарының өкілдері қазақстандық мектептер мен колледждерге техникалық жабдықтарды сатып алу үрдісінің ашықтығын қамтамасыз ету үшін ақпарат орналастыра алады. Сонымен қатар әр түрлі деңгейдегі білім бюджеті туралы басқа да ақпаратты көруге болады. Бұл туралы бүгін Білім және ғылым вице-министрі Рүстем Биғари Facebook-тегі парақшасында жазды.

"Бюджеттік қаржыландыру және сатып алу мәселелеріне қатысты министрліктің ұстанымы мынадай: толық ашықтық қамтамасыз етілуі тиіс және мемлекеттік қаражат ұқыпты жұмсалуы қажет. Мектептер мен колледждер үшін қаржыландыру мен сатып алуды әкімдіктер немесе білім беру ұйымдары (мектептер, колледждер) жүзеге асырады. Мұны бәрі біле бермейді. Қазіргі уақытта мектептерге компьютерлерді жергілікті атқарушы органдар сатып алып жатыр. Сатып алу процедурасы ашық жүргізілуі тиіс. Қажет болған жағдайда, материалдар мен фотосуреттерді Арнайы мониторингтік топ мүшелеріне беру қажет", – деп атап өтті ҚР Білім және ғылым вице-министрі Рүстем Биғари.

Сондай-ақ "Атамекен" ҰКП, Цифрлық даму, инновациялар және аэроғарыш өнеркәсібі министрлігі және ҚР Білім және ғылым министрлігімен жабдықтарға, сервистік қызмет көрсетуге, кепілдіктерге, сонымен қатар басқа да аспектілерге қойылатын ең төменгі талаптар келісіліп, ұсынымдар ретінде жергілікті атқарушы органдарға жіберілгенін естеріңізге саламыз.

Бұған дейін Білім және ғылым министрлігі жергілікті әкімдіктерге техникалық жабдықтарды жеткізушілерді іріктеу барысын қоғам белсенділерімен, Арнайы мониторингтік топ өкілдерімен бірлесіп ұйымдастыруды ұсынды.


Telegram арнасындағы маңызды жаңалықтар «zakon.kz». Жазылу!

қате туралы хабарлау
Қате туралы хабарлау
Қате мәтін:
Түсініктеме:
Қазір оқулыда
Басқа жаңалықтар
Загрузка...
Жаңалықтар мұрағаты
ДүСейСәрБеЖұСенЖе
Соңғы пікірлер
Соңғы пікірлер