Қызылорда тұрғыны 5 және 10 мың теңгелік жалған ақша жасаған

9 Қазан 2020, 11:07
Сурет: zakon.kz

ҚР ҚМ Қаржы мониторингі комитетінің Қызылорда облысы бойынша экономикалық тергеу департаменті өндірісіндегі жалған ақша өткізуге қатысты кезекті тергеу ісі аяқталып, сотқа жолданды, деп хабарлайды zakon.kz.

Қызылорда қаласының тұрғыны, 1986 жылы туған азамат 2019 жылдың қазан айы мен 2020 жылдың ақпан айының аралығында бірнеше мәрте 5000 және 10000 теңгелік жалған банкноттармен сауда жасап, пайдақұмарлық мақсатпен қылмыстық құқықбұзушылық жасаған.

ҚР ҚК 231-бабының 2-б. 2-т. сәйкес (Қазақстан Республикасы Ұлттық Банкiнiң жалған банкноттары мен мемлекеттiк бағалы қағаздарды өткізу мақсатында бірнеше мәрте жасау немесе сақтау, өткізу) қылмыстық құқықбұзушылық үшін бес жылға дейiнгi мерзiмге бас бостандығынан айыру жазасы қарастырылған.

2020 жыл басынан бері Қызылорда облысы бойынша ЭТД-нің өндірісінде жалған ақша айналымына қатысты 12 факт тіркелген. Оның ішінде 6 жағдай "Халық Банк" АҚ-ы Қызылорда филиалы қызметкерлерімен, 1 жағдай "Сбербанк" АҚ-ның Қызылорда филиалы тарапынан, 5 жағдай азық-түлік дүкендері мен жанар-жағар май құю бекеттерінде анықталған.


zakon.kz жаңалықтарын оқыңыз
Жазбаларды көрсету

Көп оқылғандар

барлық жаңалықтар

ЖАҢАЛЫҚТАР

қате туралы хабарлау
Қате туралы хабарлау
Қате мәтін:
Түсініктеме:

Маңызды жаңалықтарды білгіңіз келе ме?