Есірткі сақтағаны үшін сотталған Жасұлан жастарға ақылын айтты

Шығыс Қазақстан облысында есірткі затын сақтағаны үшін сотталған азамат өзінің туып-өскен ауданының жастарын салауатты өмір салтын ұстануға шақырды.

Жарма ауданының әкімшілігі және пробация қызметінің қызметкерлері жастар арасындағы құқық бұзушылықтардың жолын кесу және қылмыстың алдын алу мақсатында аудан жастарының қатысуымен кездесу ұйымдастырды. Кездесу барысында пробация қызметінің есебінде тұрған 28 жастағы сотталған азамат өз қателігін мойындап, өмір сабақтары туралы әңгіме айтты, сондай-ақ жастарды оқу-білімге құмар болуға, салауатты өмір салтын ұстануға шақырды.

23 жасымда есірткі сақтағаным үшін сегіз жылға сотталдым, өмірімнің бес жылын түрмеде өткердім, жазамның қалған бөлігін пробация қызметінің бақылауында өтейтін боламын. Жастық шағымды темір тордың арғы жағында өткергеніме қатты өкінемін, менің қателіктерімнің жастарға сабақ болғанын қалаймын. Сотталған деген сөздің салмағы да ауыр, сондықтан өмірде дұрыс жол табуға тырысу керек, – деді пробация бақылауындағы Жасұлан.

Оқи отырыңыз

Доллар өсіп, теңге неге әлсіреді? ҰБ жауабы

13:00, 03 желтоқсан 2021

Қаш! Айсұлтан Сейітов алғашқы фильмінің шет жағасын көрсетті

11:30, 02 желтоқсан 2021

Аралдағы мемлекет климатқа байланысты көшуге дайындала бастады

09:48, 02 желтоқсан 2021