Сенаторлар инвесторлар мен отандық өндірушілерге салықтың жаңа жеңілдіктерін ұсынады

ҚР Парламенті Сенатының баспасөз қызметі ҚР Парламенті Сенатының баспасөз қызметі
Заң жобасы тұтастай алғанда еліміздің салық саясатын жетілдіруге, қазақстандықтар үшін салық төлеу рәсімдерін жеңілдетуге бағытталған.

Сенаттың Қаржы және бюджет комитетінің кеңейтілген отырысы болды. Онда салыққа қатысты "Қазақстан Республикасының бірқатар Заңына өзгерістер мен толықтырулар енгізу туралы" заң жобасы қаралды, деп хабарлайды zakon.kz.

Отырысқа Сенат депутаттары, сондай-ақ ұлттық экономика, қаржы министрліктерінің және басқа да мүдделі мемлекеттік органдардың өкілдері қатысты.

Заң жобасы тұтастай алғанда еліміздің салық саясатын жетілдіруге, қазақстандықтар үшін салық төлеу рәсімдерін жеңілдетуге бағытталған. Құжаттың қабылдануы бизнес жүргізу мен Қазақстанға инвестиция тартуға да оң әсер етеді.

Салық кодексіне көптеген салалар бойынша айтарлықтай өзгерістер енгізіледі. Атап айтқанда, резиденттерге салық салу процессі жетілдіріледі. Заң жобасы мүлік пен жер салығын бірыңғай төлемге шоғырландыруды көздейді. Көп пәтерлі тұрғын үйлердегі пәтер иелеріне жер салығы жойылды.

Инвесторларға, агроөнеркәсіптік кешен өкілдеріне, әсіресе отандық өндірушілерге салықтық жеңілдіктер ұсынылады. Олар үшін қосымша құн салығын қайтару жеңілдетіледі, көлік құралдары мен ауылшаруашылығы техникаларын өндіруде қолдау көрсетіледі. Сенаторлардың пікірінше, бұл өзгерістер тек отандық өндірушілердің бәсекеге қабілеттілігін күшейтеді.

Салық заңнамасына енгізілген өзгерістер мен толықтырулар көлік және телекоммуникация, жер қойнауын пайдалану, қаржы және тағы басқа салаларды да қамтиды. Заң жобасын қабылдау іскерлік ортаға қолайлы жағдай туғызады және елдегі инвестициялық ахуалды жақсартады, сондай-ақ салық төлеушілердің, нарық субъектілері мен мемлекеттің мүдделеріне оң әсер етеді деп күтілуде.

zkadm
Жаңалықтан zakon.kz сайтында хабардар болыңыз:
Бөлісу
0
Толық оқу
Басты Топ LIVE Бәрі
?
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз