Жаңалықтар тізбегі
0

Қымбат көлік мінетін әкімдерді тексеру керек. Жемқор боп шығуы мүмкін

видеодан кадр, сурет - Zakon.kz жаңалық 09.12.2020 22:06 видеодан кадр
Індет кезінде бәрімізде белгілі бір қанағат болуы керек.

Жол салмаса да, жол талғамайтын көлік алады. Әкімдердің бюджет қаржысын қайда жұмсайтыны белгілі болды. Қоғамдық ұйым жүргізген тәуелсіз зерттеуіне сәйкес, атқамінерлер әуелі қызметкерлерінің жалақысы мен қызметтік көліктеріне шығындалады екен. Ал содан артылып қалған ақшаны жол, су, аурухана салуға жұмсайды, деп хабарлайды zakon.kz Еуразия бірінші арнасына сілтеме жасап.

Елге белгілі қоғамдық ұйымдардың бірі арнайы зерттеу жүргізіпті. Өңір-өңірдегі ауыл әкімдерінің қазына қаржысын қайда жұмсайтындарын анықтаған.

Ауыл әкімдері әуелі қол астындағы қызметкерлерінің айлығына, қызметтік автокөлігіне, әкімшілік ғимаратының жөндеу жұмыстарына шығындалады екен. Ал өңірдегі жұмыссыздардың санын азайту, жол, су, әлеуметтік, медициналық көмек сынды салаға жергілікті бюджеттің ең аз бөлігі жұмсалады.

Алайда ысыраптың көкесін, мемлекеттік сатып алу сайтынан көресің. Сондағы сандарға сенсек, Маңғыстау облысының әкімі келер жылға қызметтік көлігін 40 млн теңгеге жалдамақшы. Таңғалдырудан бас қала да жалықпайды. Елордадағы Алматы ауданының әкімдігі мұз қалашығын салуға 80 млн теңгесін санап отыр.

Дос Көшім, саясаттанушы:

Індет кезінде бәрімізде белгілі бір қанағат болуы керек. Ақшаны үнемдеп жұмсайтын кезге келуіміз керек. Бұл әсіресе билікке қатысты.

Осы ретте, саясаттың жілігін шағып, майын ішкендер мұнда бармақ басты, көз қысты әрекеттердің бары анық, дейді.

Әзімбай Ғали, саясаттанушы:

Пәрменді экономикада есепсіз шығын болмайды. Сондықтан құқық қорғау органдары мекемелері кейбір мемлекеттік субъектілерді қайта тексеріп, оларға ысырапты айтып, жемқорлық фактілерін анықтау керек.

Алайда әкімдердің бәрін жемқор я қазна қаржысын оңды-солды жаратады деуден аулақпыз. Адалы да бар. Мәселен, Ақтөбе облысындағы Талдысай ауылының әкімі бюджеттің көк тиынын да сұратпай, өңірге 4g байланыс желісін орнатқаны белгілі. Әкім бол, халқына жақын бол деген осы шығар.

zkadm
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: