Автомобиль жолдары комитеті YouTube-те "Jol kz" деген канал ашты

14 Желтоқсан 2020, 16:00
Сурет: ҚР ИИДМ баспасөз қызметі

YouTube бейнехостингінде "JOL KZ" арнасы ашылды. Бұл каналда еліміздегі автожол саласының соңғы жаңалықтары жарияланып, түйткілді мәселелері көтерілмек, деп хабарлайды zakon.kz ҚР ИИДМ Баспасөз қызметіне сілтеме жасап.

Шараға ҚР ИИДМ Автомобиль жолдары комитетінің төрағасы Сайранбек Бармақов, "Жол активтерінің ұлттық сапа орталығы" РМК бас директоры Замир Сағынов, "ҚазжолҒЗИ" АҚ президенті Бағдат Телтаев, "ҚазАвтоЖол" ҰК" АҚ басқарма төрағасы Ұлан Әліпов, "Қазақстанның автожолшылар қауымдастығы" ЗТБ президенті Бағлан Баймағамбетов және республикалық бұқаралық ақпарат құралдарының өкілдері қатысты.

"Қазақстанда алғаш рет автожол саласына арналған интернет-арна ашылып отыр. Бұл маңызды оқиға. Бүгінгі шараға сала өкілдері, журналистер қатысып отыр. Біз әрқашанда диалог үшін, конструктивті ескертулер үшін ашықпыз. Себебі мемлекеттік органдар, жол компаниялары, БАҚ пен барша қазақстандықтардың бірлескен күшінің арқасында ғана жұмысты жақсартып, Мемлекет басшысы алдымызға жүктеген міндеттерді орындай аламыз. Ал "JOL KZ" арнасы аталған мақсат үшін үлкен ақпараттық алаң болмақ", - деді Автомобиль жолдары комитетінің төрағасы Сайранбек Бармақов.

Бұдан бөлек, бірыңғай ақпараттық платформа дамуын Президент Қасым-Жомарт Тоқаев атап өткен "естуші мемлекет" тұжырымдамасын нығайтуға ықпал ететіндігі, сондай-ақ қойылған міндеттерді шешу алаңына айналатындығы баса айтылды.

Осылайша, "JOL KZ" каналында құрылыс, реконструкциялау мен жол жөндеу мәселелері көтеріледі деп көзделген. Сонымен бірге, атқарылған жұмыстардың сапасы, жаңа технологиялар, жол қозғалысының қауіпсіздігі басты назарда болады.


zakon.kz жаңалықтарын оқыңыз
Жазбаларды көрсету

Көп оқылғандар

барлық жаңалықтар

ЖАҢАЛЫҚТАР

қате туралы хабарлау
Қате туралы хабарлау
Қате мәтін:
Түсініктеме:

Маңызды жаңалықтарды білгіңіз келе ме?